Бүгүндөн баштап 30-ноябрга чейин Жогорку Кеңештин депутаттары аймактарда шайлоочулар менен жолугушууларды өткөрөт. Парламент төрагасы Айтибай Тагаевдин билдиргенине караганда, бул ирет шайлоочулар менен иштөөгө депутаттарга октябрь айында пайдаланылбай калган бир апта кошулуп берилди. Маалыматтарга караганда, депутаттар 1-2 декабрда комитеттерде, 3-декабрда фракцияларда иштешет, ал эми 4-декабрда пленардык жыйын болот. (MSu)
