Саакашвили Грузиянын НАТОго жакындашуусуна альянска мүчө Европа мамлекеттеринен колдоо сурап жатат. Бул тууралуу Грузиянын президенти НАТОнун Испанияда өткөн парламенттик ассамблеясында билдирди. Анын айтымында Европа өлкөлөрү Грузиянын НАТОго киришине стратегиялык жактан кызыкдар. Ал ортодо Орусиянын коргоо министри Анатолий Сердюков Грузиянын НАТОго мүчө болуп, өзүнүн аскердик мүмкүнчүлүктөрүн чыңдоого жигердүү далалат жасап жатканы тынчсыздандырат деп билдирди. Анын айтымында, мунун кесепеттери август айындагы окуядан да өкүнүчтүү болушу толук ыктымал.
