Орусиянын баш мыйзамына президент менен парламенттин кызмат мөөнөттөрүн узартуу тууралуу өзгөртүү киргизилери күтүлүүдө. Ноябрдын башында Орусиянын президенти Дмитрий Медведев президенттин иштөө мөөнөтүн 6 жылга, ал эми Дума депутаттарынын мөөнөтүн 5 жылга чейин узартуу демилгесин көтөрүп чыккан эле. Мындай сунушту премьер Владимир Путин да кубаттаган болчу. Бүгүн жума күнү аталган мыйзам долбоору парламентте каралып, үчүнчү окулушу болот. Бул мыйзам долбоору регионалдык парламеттердин үчтөн экиси колдогондон кийин күчүнө кирет.
