Болгария коррупция менен күрөшүүдө натыйжалуу чара көрбөгөндүктөн Евробиримдиктин корлорунан 220 миллион евро алуу укугунан ажырады. Бул тууралуу кечээ Европа комиссиясы жарыялады. Июлда Еврокомиссия ушундай эле жүйөө менен Болгарияга инфраструктуралык долбоорлорду ишке ашыруу үчүн 800 миллион евро берүүдөн баш тарткан. Комиссиянын басма сөз өкүлү Кристина Наги андан бери болгар өкмөтү коррупция менен күрөшүүдө жетишерлик чара көрбөгөнүн билдирди.
