Ош облустук сотунун имаратында Орозо айт күнү Ноокат райадминистрациясын таш бараңга алып, милиция кызматкерлерине кол көтөрүп, жашы жете элек өспүрүмдөрү кылмышка тартты, деп айыпталып жаткан 32 адамдын кылмыш иши боюнча Ноокат райондук сотунун көчмө отуруму өтүүдө. Анда райондук прокурор айыпталып жаткандарды 10 жылдан 25 жылга чейин абакка кесүүнү сурады. Бул тууралуу Оштогу кабарчыбыз Алишер Токсонбаев кабарлады. Анын маалыматына караганда, бул боюнча сот өкүмүн кечке чейин угузушу мүмкүн. (AJ)
