Бул тууралуу “Азаттыкка” “Риэлторлор” уюмунун жетекчиси Елена Николаева билдирди. Анын айтымында, ушул тапта турак-жай баалары былтыркыга салыштырмалуу отуз пайыз түштү. Бирок үйлөр арзандаганы менен алуучулар жокко эсе. Кыймылсыз мүлк рыногундагы абал өтө начар. Мунун себеби - ипотекалык жана дүйнөлүк каржы кризиси. Кризистин айынан жазында турак-жай баалары кырк, элүү пайызга чейин арзандашы мүмкүн. Бирок Е. Николаеванын айтымында, буга кубануунун кажети жок, анткени каржы кризисинен улам адамдардын кирешеси азайып, азык-түлүк баалары өсүп, турак-жай сатып алууга калктын чамасы жетпей калышы мүмкүн. (AiJu)
