Мындай маалыматты “Азаттыкка” УТРКнын нааразылык акциясына катышып жаткан журналисти Шайырбек Абдрахман уулу билдирди. Анын айтымында, УТРК жетекчиси Мелис Эшимкановду кызматынан кетирүү талабын колдоп, улуттук сыналгынын операторлор, режиссерлор тобу кошулушту. Алар 8-декабрь кыргыз сыналгысынын күнүн 9-декабрда нааразылык акциясы өтүп жаткан жерде белгилеп, акцияга белгилүү артисттер менен өнөрпоздорду чакырган жатышат. Ал эми бүгүн Жалал-Абат облусундагы Аксы районундагы Кара-Жыгач айылынын тургундары жыйын курушуп, анда УТРКда көрсөтүлчү “Добуш”, “Кыргыз көчү”, “Багыт” жана башка көрсөтүүлөрдүн жабылышына нааразылык билдирген катты мамлекет башчыга жолдоо чечимин кабыл алышты. Бул тууралуу “Азаттыкка” Кара-Жыгач айылынын тургуну Анаралы Назарбеков билдирди.(BD)
