Чехиянын азыркы өкмөт башчысы Мирек Тополанек (Mirek Topolánek) жекшембиде (7-декабрда) Атуулдук Демократиялык партиянын курултайында бийликтеги бул батышчыл партиянын жетекчиси болуп кайра шайланды. 52 жаштагы бул саясатчыны 284 киши жактап добуш берди, анын атаандашы - Прага шаарынын акими Павел Бем мырза болгону 162 добуш алды. 2009-жылдын 1-январынан тартып Чехия Евробиримдиктин төрагалыгын ротациялык негизде Франциядан өткөрүп алмакчы.
