Мурдагы мамлекеттик катчы Дастан Сарыгулов “Азаттыкка” ушинтип билдирди. Коомдук-саясий ишмер Коомдук палата (ордо кеңеш) түзүүнү элди алдоо деп эсептейт.
Президент Курманбек Бакиев 2-декабрда Коомдук палата түзүү жөнүндө жардык чыгарып, муну президент менен коомчулук ортосундагы карым-катышты арттыруу максаты менен байланыштырган. Жардыктын түшүндүрмөсүнө караганда, ордо кеңеш 45 кишиден туруп, бул курамга мамлекеттик кызматтарда иштебеген коомдук ишмерлер, саясатчылар, коомчулуктун өкүлдөрү киришет. Ордо кеңештин чыгымдары республикалык бюджеттин жана эл аралык жардамдардын эсебинен толтурулат. Ал жаңы жылдан баштап ишке киришет. (BuS)
