Жогорку Соттун төрайымы Жаңыл Алиева Жогорку Соттун судьясы Абдугапар Үсөновду судьянын кынтыксыз журүм-туруму жөнүндөгү талаптарга жооп бербегендиги үчүн кызматтан бошотуу зарылчылыгы келип чыкканын билдирди. Мындай чечимди Судьялар кеңеши кабыл алып, Президент жактырган. Президенттин сунушун 11-декабрда депутаттар 62 добуш менен кабыл алды. Судья Абдугапар Үсөнов болсо өзүн айыптуу деп эсептебей турганын билдирди.(AiT)