Жергиликтүү бийлик аталган партиянын лидерлерине жыйынды өткөрүүгө каршы болушуп, жакында сотко кайрылышкан. Талас шаардык соту бүгүн бийлик тарапка ыктап чечим чыгарды. Чечимде жыйындын максаты жогоруда айтылган лидерлер тараптан Талас шаардык мэрияга кайрылган катта так көрсөтүлбөгөндүктөн, Талас шаардык соту шаардын ичинен жыйынды өткөрүүгө тыюу салганы айтылган. Мындан тышкары Таласта 29-октябрда Элдик революциялык кыймылы өткөргөн курултайда мыйзамга сыйбаган сөздөр айтылганы үчүн ушундай чечим чыгууда, - дейт соттук кароого катышкан Талас мэриясынын юристи Азат Койчубеков. Анын айтымында, нааразычылык акциясын өткөрө турган лидерлер сотко чакырылганына карабастан келишкен жок. (UA)
