Бул тууралуу каржы министри Тажикан Калимбетова бүгүн өткөн министрликтин отурумунда билдирди. Анын айтымында, өткөн жылы мамлекеттик боюджеттин 56,8 пайызы социалдык чөйрөгө жумшалган. Жалпысынан макроэкономикалык стабилдүүлүк сакталып, экономиканын баардык тармактарында өсүш байкалган. Ички дүң продукт сегиз пайызга жогорулаган, ал эми мамлекеттик казынанын киреше бөлүгү мурдагы жылга салыштырмалуу кырк эки пайызга өскөн. Министрдин айтымында, мындай көрүнүш салыктардан түшкөн кирешенин көбөйүшүнөн болгон. (AiJu)
