АКШнын шайланган президенти каржы тармагын жөнгө салуучу мекеменин жетекчисин дайындады .Баалуу кагаздар жана биржа боюнча комисия деп аталган мекеменин башчылыгына биринчи ирээт аял адам – Мэри Шапиро келет. 53 жаштагы Шапиро бул тармакта узактан бери иштеген кесипкөй адис катары белгилүү. Анын талапкерлигин алдында АКШнын Сенаты бекитүүсү керек. АКШда каржы базарын жөнгө салуунун начарлап кетүүсүн көптөр азыркы экономикалык төмөндөөгө алып келген кризистин негизги себептеринин бири катары эсептешет.
