Кеңешмеге облуста иштеген донордук уюмдардын 20 өкүлчүлүгүнүн кызматкерлери катышты. Анда аталган уюмдардын ишмердүүлүгүн өркүндөтүп, облуска чет эл жардамын көп тартуу менен аны максаттуу пайдалануу маселеси талкууланды. Донордук уюмдар район-шаарларда тегиз иштебей, инвестиция бир аймакта көп, башка жактарга анча келбей жатканы белгиленди. Ала-Бука районунда донордук 98 уюмдун бир гана өкүлчүлүгү өндүрүмдүү иштеген. Облустук бийликтин маалыматы боюнча, жыл башынан бери 6 миллиард сомдук чет эл жардамы социалдык-экономикалык багыттарда иштетилүүдө. (YA)
