Мындай маалыматты “Азаттыкка” УТРКнын мурдагы кызматкери Бейшенбек Бекешов билдирди. Анын айтымында, ачкачылык жарыяланган Горькийдин эстелигинин жанына президенттин басма сөз катчысы Нурлан Шакиев барып, журналисттердин талабы менен президент тааныш жана жакын арада чара көрүлөт деп билдиргенден кийин акциясын токтотушкан. Бирок, аларга УТРКнын жетекчилиги нааразылык билдирген журналисттердин бардыгы иштен бошотулгандыгын кабарлаган. Ошондуктан, талап орундалбаса нааразылык билдирүүнүн башка жолдорун табабыз, анткени, мамлекеттик идеологияны жайылткан башкы маалымат каражатынын келечеги жана элдин тагдыры журналисттерди кайдыгер калтырбайт дейт Б.Бекешов. (BD)
