Бул жөнүндө "Ата Мекен" партиясынын Нарын шаардык уюмунун төрагасы Адылбек Эсенбеков Азаттыкка бүгүн билдирди. Аталган партиянын шаардагы 28 мүчөсү катышкан чогулуш болду. Анда аяктап бара жаткан жылдын жыйынтыгы чыгарылып, 2009-жылга пландар кабыл алынды. Өлкөдөгү экономикалык кыйынчылык, саясий оюндар, электр энергиясындагы кризис, көмүр, жол маселелери каралды. Жыйынтыгында ноябрдын аягында өткөн оппозициялык күчтөрдүн курултайын колдошоорун жана алар уюштура турган ар кандай акцияларга катыша тургандыктары макулдашылды
