Губернатордук балатыга ар бир райондон жана Нарын шаарынан окуудагы өзгөчө ийгиликтерге ээ болгон, таланттары менен айырмаланган, ошондой эле томолой жетим балдардан 100дөн окуучу ар бир райондун борборлоруна жана Нарын шаарына чакырылган. Жалпы 600 окуучуга губернатордук кордон 372 миң сом жумшалган. Мындай маалымат губернатордун маалымат катчысы Айнура Темировадан алынды. Нарын шаарынын №8-Арстанбек Буйлаш уулу атындагы орто мектептеги салтанатта окуучулар жаңы жылдык оюн-зоок көрсөтүштү. Ал эми облустук акимчиликтин бөлүм башчысы Салия Жолдошова теңиртоолуктардын тандалган 28 окуучусу Президент катышкан «Балалыктын балатысына» катышууга Бишкек шаарына кеткендигин билдирди. (KUs)
