Бүгүндөн тарта алты ай бою Чехия Евробиримдикте төрагалык кылат. 10 млн.дой калкы бар Чехиянын жетекчилик мөөнөтү бул мамлекетте коммунисттик режим кулагандан дээрлик жыйырма жылдан кийин жана мамлекет Евробиримдикке кошулгандан беш жыл өткөндөн кийин келип олтурат. Чехия республикасынын Евробиримдикте төрагалык кылуу милдети дүйнөлүк каржылык кризистин мезгилине туш келди. Андыктан кризистен чыгуу жаатындагы ишке мамлекет негизги көңүлдү бурат деп күтүлүүдө.
