Орусия Украинага газды бербей койгондон бери Евробиримдик орус газы Европага Украина аркылуу кандай жиберилип жатканына көз салып турат. Бул тууралуу Еврошаркеттин Энергетика боюнча комиссары билдирди. Орусиядан газ алып жаткан европалык бир да ири мамлекет азырынча газдан проблема бар экендиги тууралуу айта элек. Орусия менен Украина газдын баасы боюнча келишим түзө албай, Украинага жөнөтүлчү газ токтотулган. 2006-жылы да газдын айынан орус-украин сүйлөшүүлөрү туңгуюкка кептелип, ортодо Европа бир канча күнгө газсыз калган эле.
