Улуттук илимдер академиясынын Чыңгыз Айтматов атындагы тил жана адабият институтунун директору Абдылдажан Акматалиевдин “Азаттыкка” билдирүүсү боюнча кыргыз искусство чеберлеринин чыгармачылыгы тууралуу китеп даярдалды. Алар азырынча 5 багыттан турат жана ар биринде 20 атактуу композитор, кинорежиссер, актер, сүрөтчү жана балет бийчисинин кыргыз искусствосун калыптандырууга жана өнүгүүсүнө кошкон салымдары тууралуу илимий негизде иликтенген макалалар топтолгон. Аталган институт мындан тышкары “Азыркы кыргыз адабияты” деген илимий китептин экинчи томдугун даярдады. Анда адабият ишмерлеринин 1980-жылдан берки чыгармалары камтылып, иликтенген.(BD)
