Грузиянын тышкы иштер министри АКШ менен түзүлгөн стратегиялык кызматташтык келишимин кубаттады. Григол Вашадзенин айтымында, бул – Грузиянын НАТОго мүчөлүгүнө карай олуттуу кадам болуп калмакчы. Документке кечээ Вашингтондо кол коюлду. Ушундай эле келишим АКШ менен Украина ортосунда былтыр декабрда жетишилген. Россия Грузия менен Украинанын НАТОго киришине каршылыгын билдирип келатат.
