Бүгүн БЭКтин улуттук кеңешинин алгачкы жыйыны болот. Анда уюштуруу маселелери, кыймылдын мындан аркы аракеттери талкууланат. Бул жыйындын алдында Элдик революциялык кыймыл кезектеги отурумун өткөргөнү жатат. Бул тууралуу “Азаттыкка” КЭРКтин лидерлеринин бири Топчубек Тургуналиев билдирип, анда каралчу маселелерди ачыктаган жок. Курамына элдик революциялык кыймыл кирген Бириккен Элдик кыймыл 24-декабрда түзүлүп, жобо кабыл алган. БЭКтин курамына жалпысынан төрт кыймыл, жети партия киргени мурда кабарланган. (BuS)
