Мындай маалыматты “Мутакалим” коомдук бирикмесинин төрайымы Жамал Фронтбек кызы билдирди. Мындай жыйынтык Токтогул, Жалал-Абад жана Балыкчы аймактарында жүргүзгөн изилдөөдө анык болгон. “Аталган аймактарда үй-бүлө, бойдон алдыруу жана репродуктивдүү укуктар боюнча жүргүзүлгөн бул сурамжылоодо аялдардын 60 пайызы күйөөсүнө айтпай турганы жана айтуудан коркушаары белгилүү болду. "Район, айылдарга, карапайым кыргыздын жаранына ушул багытта маалымат жетпей жатат”,-дейт Ж.Фронтбек кызы. Ал эми “Сезим” кризистик борборунун төрайымы Бүбүсара Рыскулова бул жерде аялдар жабыркап жатканын, бул маселеде күйөөсү да жооптуу болушу керек деген пикирин билдирди. (КЕ)
