“Улуу Биримдик” партиясынын лидери мындан жети жыл мурун болгон окуяга байланыштуу айыпталууда. Ал мезгилде Эмил Каптагаев Ысык-Көл облусунун губернаторунун орун басары болгон. Ага карата мына ошол учурда Социалдык фонддун акчасын туура эмес бөлүштүргөн деген айып коюулууда. Бул тууралуу Саясий куугунтан коргоо комитетинин жетекчиси Топчубек Тургуналиев “Азаттыкка” билдирди. Анын айтымында, Эмил Каптагаевге каршы кылмыш иши ал оппозиция лидерлеринин бири болушуна байланыштуу козголду жана бул саясий куугунтук болуп эсептелет.(AiT)
