Бул тууралуу Сириянын президенти Башар Асад билдирди. Ливандык “Ал-Манар” сыналгысына берген маегинде Башар Асад Барак Обаманын президенттик кызматка киришкенден берки алгачкы кадамдары Жакынкы Чыгышта тынчтыкка жетүү үчүн “бир аз да болсо үмүт берет” деп билдирди. Сириянын президенти Вашингтондун Жакынкы Чыгыштагы кризисти жөнгө салуу боюнча жаңы аракеттерин кубаттап, АКШ менен алдын-ала шарттарсыз сүйлөшүүлөргө даярдыгын билдирди.
