Тажик президенти Эмомали Рахмон ушул аптада Москвада Орусиянын лидери Дмитрий Медведев менен жолугушуп, маанилүү жыйынга катышмак. Расмий Дүйшөмбүнүн билдирүүсүнө ылайык, Эмомали Рахмон энергетикалык кризис маселесин чечип жаткан үчүн Орусияга сапарын токтотту. Байкоочулар болсо, Рахмондун мындай кадамын Орусия менен Тажикстандын ортосундагы Борбор Азиядагы суу маселесине байланыштырышууда. Орусия көп жылдардан бери Тажикстанга Рогун ГЭСин курууга жардамдашууга убада берип келүүдө. Бирок каржы кризиси күч алган сайын ГЭСтин курулуш иштери жарым-жартылай кала берүүдө.
