Бул тууралуу АКШнын Кыргызстандагы элчилигинин коомчулук менен байланыш боюнча өкүлү Марк Камерон бүгүн “Азаттыкка” билдирди. Анын айтымында, Манастагы базаны жабуу боюнча кыргыз тараптан расмий билдирүү түшө элек. Кыргыз жетекчилиги менен база боюнча сүйлөшүү уланып жатат. “Кыргыз өкмөтү жана эли менен аткарып жаткан бир топ программаларыбыз жана кызыкчылыктарыбыз бар. Аларды аткарууну уланта беребиз”,-деп белгиледи Марк Камерон.
