“Биздин Айыл, суу чарба жана кайра иштетүү министрлиги колхозду башкаруу болуп калыптыр”,- деп сындады жаңы эле дайындалган министр Искендербек Айдаралиев бүгүнкү коллегияда. Ал министрликтин негизги милдети жана максаты азык-түлүк коопсуздугун камсыз кылуу болушу керектигин белгиледи. Министрдин айтымында, учурда жазгы талаа иштерин жүргүзүүгө аракеттер көрүлүп, кайсы жерге эмне жетишпегенини аныкталып жатат. “Биз министрликтин көп кемчиликтерин оңдошубуз керек. Ал үчүн министрликтин кызматкерлеринин деңгээлин көтөрүп, жаш кадрларды тартуубуз зарыл”, - дейт И.Айдаралиев. (КЕ)
