Башкы прокуратура “Ата Мекен” партиясынын лидери Өмүрбек Текебаевге каршы козголгон кылмыш ишти жокко чыгарды. Мындай чечим партиянын лидеринин иш-аракетинде кылмыш составынын жоктугуна байланышту кабыл алды. Бул тууралуу Башкы прокуратуранын маалымат кызматынан “Азаттыкка” бүгүн кабарлашты. Өмүрбек Текебаевге Бакай-Ата райондук милиициясы тарабынан куралды мыйзамсыз оңдоп-жасаган деген күнөө боюнча кылмыш иши 20-январда козголгон эле. Башкы прокуратура кылмыш ишин козгоону негизсиз деп таап, аны кыскартуу чечимин кабыл алды.(AiT)
