Бул тууралуу борбор калаанын мэри Нариман Түлеевдин Дүйнөлүк банктын Кыргызстандагы өкүлчүлүгүнүн жетекчиси Рожер Робинсон менен болгон жолугушуусунда дайын болду. Р. Робинсон шаар көчөлөрүнүн сапатын жакшыртуу, жаңы конуштарда асфальт жолдорду салуу боюнча долбоорлорду Дүйнөлүк банк колдоого алууга даяр экендигин билдирди. Ошондой эле Робинсон конуштарда инфраструктураны жакшыртуу боюнча мэрия менен кызматташтык - бул өз ара карым-катнашты келечекте андан ары тереңдетүүнүн башаты деп белгиледи. Бул тууралуу Бишкек шаардык мэриясынын басма сөз кызматы кабарлады. (ES)
