Американын НАСА космос агенттиги билдиргенине караганда, Сибирь тарапта 800 чакырым бийиктикте орустар менен америкалыктардын жасалма жандоочулары (спутник, б.а. сателлит) кагылышкан. Буга чейин тарыхта мындай окуя каттала элек болчу. Бир тоннадай салмактагы орустардын жасалма жандоочусу көп жылдардан бери иштебей калган, ал эми оордугу жарым тоннадан ашыгыраак америкалык жасалма жандоочу болсо “Иридиум” деп аталган чөнтөк телефон компанияга таандык экени айтылды. Кабарларга караганда, эми анын сыныктары эч кандай коркунуч келтирбейт.
