Жогорку Кеңештин маалымат кызматынын билдиришинче, Кыргызстандагы Кошмо Штаттардын аскерий аба базасын чыгаруу маселеси парламенттин үч комитети жана үч фракциясында талкууланышы керек. Буга чейин Коргонуу, коопсуздук, укук тартиби жана сот-укук реформасы боюнча комитетинде каралган. Конституциялык мыйзамдар, мамлекеттик түзүлүш, мыйзамдуулук жана адам укугу боюнча комитеттин бул боюнча отуруму 17-феврлага белгиленген. Андан кийин эл аралык иштер жана парламент аралык кызматташтык боюнча комитет талкууламакчы. (EBM)
