Мындай пикирин мунай ташуучулар ассоциациясынын президенти Базарбай Мамбетов бүгүн салык тууралуу өкмөттүн жыйынында билдирди. Цивилизациялуу өлкөлөрдө жаңы Салык кодексин иштеп чыгуу Экономика министрлиги менен ишкерлер ассоциациясына берилерин, Кыргызстанда болсо бул иш салыкчыларга жүктөлгөнүн, ушундан улам алар кодексти өздөрүнө тууралап алышканын айтты. Б. Мамбетов жаңы Салык кодекси талкуулоо иш-чараларына катышканын, бирок бир да сунушу өтпөгөнүн, дегеле баардык сунуштардын токсондой пайызы кодекске кирбей калганын баса белгиледи. (EBM)
