Бүгүн Жогорку Кеңештеги “Ак жол” фракциясы Манас аба майданындагы АКШнын аскерий базасын чыгаруу маселесин карай баштады. Фракциянын депутаттарына тышкы иштер министри Кадырбек Сарбаев маалымат берүүдө. Базаны чыгаруу маселесин 17-февралда парламенттин эки комитети карап, өкмөттүн сунушун колдоп берди.Өкмөт өз сунушунда Манас аба майданына антитеррордук коалициянын базасын жайгаштыруу боюнча АКШ өкмөтү менен 2001-жылы түзулгөн келишимди жокко чыгарууну сунуштаган. “Ак жол” фракциясы парламентте абсолюттук көпчүлүк добушка ээ. Ошондуктан бул фракция масени кандай чечсе, Жогорку Кеңеште ошондой чечим кабыл алынат.(AiT)
