Түштөн кийин добуш берүүгө катышкан депутаттардын 78и АКШ баштаган антитеррордук күчтөрдүн аба базасынын чыгарылышына “макул” деген оюн билдирди. Ал эми экөө каршылыгын билдирип, бирөө калыс пикирде калган. Ошол эле учурда парламентеги экран отурумга 90 депутат катышып жаткандыгын маалымдап турган. КР президенти Курманбек Бакиев 3-февралда Орусияга жасаган иш сапары учурунда АКШ баштаган антитеррордук күчтөрдүн “Манас” аба базасын Кыргызстандан чыгаруу тууралуу чечимди кыргыз өкмөтү кабыл алгандыгын жарыялаган.(ZKo)
