Бириккен элдик кыймыл март айынын ортосунан тарта нааразылык ири акцияларын өткөрөт. Мындай чечим кыймылдын Улуттук кеңешинин кечээ өткөн жыйынында кабыл алынды. Улуттук кеңештин мүчөсү Топчубек Тургуналиевдин “Азаттыкка” билдирүүсү боюнча акциялар кайсы күнү, кайсы жерде болору кийин такталат. Улуттук кеңеш президенттик шайлоо маселесине кайрылган жок, “себеби кыймылдын 24-декабрда кол коюлган милдеттенмесинде Бакиев бийликте турган кезде эч бир шайлоого катышпайбыз деп жазылган”,-деди Топчубек Тургуналиев.(BD)
