«Ата мекен» партиясынын Баткен облустук төрагасы Бакир Имаровдун айтымында Коргоо министрлигинин мото аткычтар бөлүгүн ачуу үчүн Бужум айылынан 10 гектар жер жергиликтүү кеңештин макулдугу жок эле ажыратылып берилген. “Айылга жакын орношкон куралдуу күчтөрдүн бөлүгүндө чоң техникалар жайгашса бужумдуктар үчүн ыңгайсыз болот, ошондуктан айыл өкмөтүнүн Коргоо министрлиги үчүн жер бөлүп берген токтомун жокко чыгаруу үчүн жогорку жактарга айыл элинин атынан арыз менен кайрылабыз”,- дейт Бакир Имаров. (JsA)
