“Кыргызстандын заманбап модасы” деген аталыштагы мода көргөзмөсү 24-февралда Берлинде болуп өттү. Бул тууралуу Кыргызстандын Германиядагы элчилигинен кабарлашты. Маалыматка ылайык, жаңы коллекциянын көргөзүлүшү эки өлкөнүн жеңил өнөр жай тармагында кызматташуусун өркүндөтүү максатында уюштурулган. Элчиликтин басма сөз кызматынын билдиришинче пахта, жүн, тери, жибектен өзгөчө жасалгада тигилген кийимдер европалык көрармандардын купулуна толду. Эми ушул эле мода март айынын башында Францияда, Парижде көрсөтүлөт. (КЕ)
