Бүгүн Бириккен Улуттар уюмунун Гаагадагы соту 2005-жылы Ливандын мурдагы премьер-министри Рафик ал-Харирини өлтүргөн деп айыпталгандардын үстүнөн сот ишин баштады. БУУнун айыптоочусу Дэниел Беллемар “ал-Арабия” сыналгысына берген маегинде, буга байланыштуу Ливандан төрт генералды сотко өткөрүп берүү талап кылынаарын айтты. Төрт генерал мындан төрт жыл илгери Хариринин өмүрүнө кол салынган чакта Ливандын сириячыл коопсуздук мекемесин жетектеп турушкан.
