Брюсселде Евробиримдиктин учурдагы экономикалык кризисти жеңүүгө арналган чукул жыйыны башталды. Белгиянын ордо шаарындагы бул жыйын алдында Венгриянын премьер-министри Ференц Дюрчан Евробиримдикти Чыгыш Европанын өзгөчө жакыр өлкөлөрүнө чукул каржылык жардам көрсөтүүгө чакырган. “Болбосо, Европада жаңы экономикалык ажырым пайда болот” деп эскертти Дюрчан. Венгриянын өкмөт башчысы Чыгыш Европа өлкөлөрүнө каржылык колдоо көрсөтүү үчүн 250 миллиард доллар өлчөмүндө атайын кор негиздөөнү сунуш кылды.
