“Аят-пресс” гезитинин баш редактору Жылдыз Мусабекова учурда Кыргызстандагы журналисттердин коопсуздугуна коркунуч туулуп куугунтуктоо, коркутуп-үркүтүү, сабап кетүү фактылары көп кездешкенин “Азаттыкка” билдирди. Анын айтымында, гезитке чыккан материалдар үчүн Жогорку Кеңештин аттуу-баштуу депутаттары редакцияга телефон чалышып “мен сени бир бүркүп жок кылам”, деп коркутушат. “Эл өкүлдөрү менен бийликтегилер массалык маалымат каражаттарына карата орой мамиле жасагандан кийин, журналисттердин коопсуздугу жөнүндө сөз кылууга мүмкүн эмес”,-дейт Мусабекова. (AJ)
