Учак баш калаа Кампаладан көтөрүүлөөрү менен Виктория көлүнө кулап түшкөн. Бурунди армиясынын өкүлү маалымдаганына караганда өлгөндөрдүн арасында бурундиялык жогорку үч офицер бар. Алар Африка биримдигинин Сомалидеги бейпилдик контингентинде кызмат өтөшчү. Учак Сомалинин борбору Могадишуга бараткан. Ал жерде исламчыл козголоңчуларга каршы күрөшүү үчүн угандалык жана бурундилик 3 миң 400дөй жоокер жайгашкан.
