Аталаган иш-чара 14-мартта башталды. Бул тууралуу маалымдаган Франциянын Кыргызстандагы элчилигинин кызматташтык жана маданият боюнча атташеси Шарлотта Урбэндин айтымында, франкофония француз тилинде сүйлөгөн ар кыл улуттардын маданиятын чагылдырган маданий иш чаралардын программасы болуп саналат. “Биздин максат – концерттерди, жолугушуу, кинотасмаларды көрсөтүү менен Кыргызстандын француз тилинде сүйлөгөн калкын Франциянын, Швейцариянын жана Канаданын маданияты менен тааныштыруу болуп саналат”, - дейт Ш.Урбэн. Франция элчилиги, Швейцария консулдугу, Канаданын Казакстандагы элчилиги тарабынан уюштурулуп жаткан “Франкофония” жумалыгы, Бишкекте алтынчы ирет өткөрүлүүдө. (ES)
