Бүгүн президент Курманбек Бакиев ички иштер министри Молдомуса Конгантиевди кабыл алып, 13-мартта Аламүдүн капчыгайындагы жол кырсыгын иликтөө тууралуу маалымат алды. Президент бул кырсыкка байланыштуу реалдуу фактыларга негизделбеген жыйынтыктарды чыгарбоо керектигин айтты. Адамдардын кайгысынан саясат жасабоого чакырды. К. Бакиев бул ишти териштирүү өз көзөмөлүндө экенинин баса белгилеп, иликтөөнүн жыйынтыктары тууралуу өз убагында маалымдап турууну тапшырды. Бул туурасында президенттин маалымат кызматы кабарлады. (EBM)
