Ордунан бир минута туруп эскерүүнү парламент депутат Роза Отунбаеванын сунушу менен жасалды. Андан кийин Отунбаева 2002-жылы 18-мартта Кербенде окко учкан Элдияр Үмөталиев боюнча Бириккен Улуттар Уюму чечим чыгарып, кыргыз өкмөтүнө ал боюнча 180 күн берилгенин, бирок ага кыргыз тараптан жооп боло электигин белгиледи. Маалым болгондой БУУнун Адам укуктары боюнча комитети Элдияр Үмөталиев өкмөттүк күчтөрдүн курмандыгы болуп калгандыгын айтып, ал боюнча адилеттүүлүктү камсыздоону кыргыз өкмөтүнө сунуштаган.(AiT)
