Оппозициялык Бириккен элдик кыймыл 27-мартка белгилегнен жер жерлерде нааразылык иш-чараларга даярданып жаткан чакта, аларга карата күч органдарынын кысымы күчөгөндүгүн “Жашылдар” партиясынын төрагасы Эркин Бөлөкбаев “Азаттыкка” билдирди. Анын айтымында бейшемби жума күндөрү Беловодск айыл өкмөтүндө элүү чакты тартип коргоо кызматкерлери оппозиция өкүлдөрүнүн автоунааларын токтотуп текшерүүгө алышкан. Эркин Бөлөкбаев 27-мартта Беловодск айылындагы нааразылык акциясын уюштуруу жана үгүт иштерин жүргүзүү боюнча жоопкерчиликти алган. (ES)
