31-мартта Гаагада өтчү жыйынга Улуттар уюмунун баш катчысы Пан Ки Мун жана 80 чакты өлкөдөн келген делегаттар катышат. АКШнын мамлекетттик катчысы Хиллари Клинтон Европада жүргөн кезинде Иранды конференцияга катышууга чакырган. Ирандын "Фарс" кабар агенттиги тышкы иштер министри Манучер Моттакинин Ооганстандагы кризисти регионалдык деңгээлде чечүү абзел деген сөздөрүн келтирет. Бирок жыйынга Моттаки өзү катышабы же жокпу маалыматта айтылган жок.
