Ырасмий Вашингтон тараткан маалыматка ылайык, АКШ президенти Барак Обама Ооганстанга кошумча 4 миң аскерий кеңешчилер менен машыктыруучулар жөнөтүлөрүн билдирмекчи. Бул 4 миң машыктыруучу адис жоокер кошула турган болсо, буга чейин жөнөтүлөрү айтылган АКШ аскерлеринин саны дароо 21 миңге чыгат. Ошондой эле Обаманын планы боюнча, талип согушчандары жашынып жүргөн Пакистанга экономикалык көмөк көрсөтүү, өлкөнү турукташтырууга жардам берүү жаатында чакырык ташталмакчы.
