Дүйнөлүк банк Тажикстанга экономикалык кризиске каршы күрөш жана мындан аркы реформаларды жүзөгө ашыруу үчүн 20 миллион доллар өлчөмүндө грант берет. Дүйнөлүк банктын ырасташынча, Тажикстандын экономикалык өсүш көрсөткүчү 2009-жылы үч пайызга түшөөрү күтүлүүдө. Буга Орусияда иштеген мигранттардын мекенине азыраак акча которо башташы жана пахта экспортунун азайышы түрткү болмокчу. Ушуну менен Дүйнөлүк банк Тажикстанга реформаларга колдоо ирээтинде үчүнчү ирээт грант бөлүүдө.
