Окуя Африканын батышындагы Кот-Дивуар мамлекетинин Абиджан шаарындагы стадиондо болду. Эл Кот-Дивуар менен Малавинин курама командаларынын 2010-жылкы дүйнө чемпионатына катышуу укугун алууга арналган мелдешин көрүү үчүн эле. Маалыматтарга караганда, дүрбөлөң стадиондун трибунасындагы дубалдын кыйроосунан башталып, андан кийинки тыгылышта 22 киши каза тапкандан тышкары, 130тан ашуун киши жаракат алды.
